Bahaso jiwo bangso Nayu Klate

Laarea tok sruppo dengen suroh Hok comey bakppo duk ppakat kato udoh Saye soh doh laeng dengen beci Jerok mamen tok serupo dengen jerok celagi Takot ado keno mengeno dengen ketha gega Serupo dagho ado ssabit dengen apa Ngigha sbenarnya ada sabit dengen kemama Selok tak dok bezzo dengan tok kaba Sapo kato buluh tu galoh Sapo kato ttekeng tu tok bkkekoh Nakka laeng sikit dengen jahhat Dawa pun oghe duk pangge khawak Kalu tunggo tok srupo tughuh paga Sengotilah tolo tok srupo dengen panda Lagu mana ggadoh, belah tu jugoklah lorghat Toksohlah wak loloq tok kena hok mano ddakak Hok mano kkhabak. Demey tok keboh bezzo dengen leloh Senyung semeweh tok serupo dengen sengeh Bbaling tu laen dengen kipah anging Breng abe sikit jah pado kerah keng Kito tok leh wak tok tetu kalu Oghe serabuk ngeleh kito tok tahu Kito duk ghalit berembah bbadi cah keting Oghe laeng gi seghuh-seghah, Kito dok ppakat gheboh teguling Ulat kekek jangen wi ttuka dengen ulat belucah Jale bejeket jangen kato srupo dengen hungga derah Kalu kkarak buleh agi kito tteri Hok gelonggong lagu mano pakat kato tokleh nok isi? Payoh sengoti nok bekecek nok bbkiro Culah lagu lain tok srupo dengen celiko Payoh jugk nok bezzo mano lakonen mano sendiwaro Hok sengotinyo, manih lleting tu belung tetu ibu gulo!